NANGHINAUT si City Mayor Rolando “Klarex” Uy nga matuki ug maaprobahan sa 21st City Council ang pagpatuman sa ikatulong tranche sa sweldo alang sa mga opisyal ug empleyado sa lokal nga kagamhanan ning siyudad.

 

Kini gipadayag ni Mayor Klarex atol sa flag raising ceremony sa City Hall, Quadrangle (Agosto 3).

 

Nagpasalamat usab si Mayor Klarex kang City Budget Officer Atty. Percy G. Salazar, tungod kay nahisukip kini sa Supplemental Budget No. 3, nga misubay sa Department of Budget and Management (DBM) Local Circular Budget No. 172 kon ‘Implementation of the Third Tranche of the Updated Salary Schedule for Local Government Personnel Pursuant to Executive Order (EO) No. 64, s. 2024’ nga gi-issue miaging Hulyo 16, ning tuiga.

 

Kung maaprubahan na sa konseho ang maong ikatulong tranche, gilauman nga sugod sa Septyembre makadawat ang mga kawani ug opisyales sa bag-ong sweldo nga gikatakda sa salary standardization. (LRM/CIO Photos by Reynan Baylin/CIO Reference/DBM)