SPECIAL PEOPLE’S DAY itanyag ni Mayor Klarex Uy sa pinakaunang higayun alang sa mga Persons with Disabilities sector matag Miyerkules sa bulan sa Agosto, sa City Hall Quadrangle.

Ang schedule sa People’s Day alang sa mga PWDs nabahin matag barangay ug ipahigayon sa duha ka hugna (buntag ug hapon.) Kini ipahigayun karong Agosto 5, 12, 18 ug 19.

Subay niini gipahamingnoan ang mga PWD nga didto lamang mo-apil sa ilang schedule aron malikayan ang pagdasok sa tawo ug masiguro nga luwas ang tanang PWDs.

Lakip sa mga rekisitos nga dal-on atol sa People’s Day ang PWD ID (not expired) ug Barangay Certificate of Indigency (kung asa ka nagpuyo). Alang sa mga dugang pangutana kalabot sa People’s Day, mahimong motawag ani nga hotline: 0953-1122-974. (NLB/CIO)