BLESSINGS after blessings ang nadawatan sa magtiayon nga miyembro sa Higanon Tribe sa Indigenous Peoples (IPs) sector nga si Elmark Francisco Palanay ug Mary Chris Pauran Palanay human lakip sila sa gikasal ni Mayor Klarex Uy atol sa Kasalan ng Bayan, adlaw’ng Huwebes, Agosto 20, sa Magayad Integrated School, Sitio Magayad, Barangay Tignapoloan, ning siyudad.

 

Si Mary Chris duha ka semana pa lamang gikan nanganak sa iyang ikaduha apan excited na kini magpakasal aron mahimong legal ilang panag-uban ni Elmark.

 

Nasayrang ang magtiayon nagkita ug nagkalia sa usa ka hardware sa Sitio Man-ai, Tignapoloan diin nagpalit si Mary Chris lima ka tuig nang milabay.

 

Gikan didto sila nag-uyab ug nagdayun.

 

Kasamtangan, nagtrabaho na karon isip mag-uuma si Elmark samtang si Mary Chris nag-atiman sa ilang duha ka anak, 2 anyos ug bag-ong himugso.

 

Nasayrang sa matag Kasalan ng Bayan, ang mga magti-ayon modawat og libreng lechon, cake ug wine, ug lima ka kilo nga bugas isip personal nga regalo ni Mayor Klarex Uy.

 

Anaa usab libreng pagproseso sa mga document ug seminar pinaagi sa City Civil Registry ug Community Improvement Division.

 

Apan special karon ingon man gawas sa libreng lechon, cake ug wine gikan ni Mayor Klarex Uy, midawat usab ang matag magtiayon sa 5-kilo nga bugas ug water jug gikan ni City Councilor Roger Abaday; 5-kilo nga bugas gikan ni City Councilor Al Legaspi Sr. ug isa ka botilya nga wine gikan ni City Councilor Kenneth John Sacala.

 

Samtang mipakita usab sa ilang hugot nga suporta sila si City Councilor Moreno “Jing” Daba IV, City Councilor Atty. Edgar Cabanlas ug City Indigenous Peoples Mandatory Representative City Councilor Roberto “Datu Makilala” Cabaring kinsa mirepresenta sa ilang Indigenous Peoples (IPs) sector ug Barangay Tignapoloan Council pinangulohan ni Punong Barangay Nancy Aban.

 

Samtang mokabat sa 14 ka magti-ayon ang gikasal ni Mayor Klarex Uy ug ang Sitio Magayad ang isa sa pinakalayo nga Sitio sa siyudad.

 

Gani man pinaagi sa Kasalan ng Bayan, naninguha si Mayor Klarex Uy nga mahatagan og libreng kasal ang matag mag-tiayon nga nag-ipon tungod kay dako ang pagtuo sa mayor nga pa mas daghan pa nga grasya ang madawatan sa magti-ayon gikan sa Labaw nga Makagagahum kon legal ang pagpanag-uban niini. (NLB/CIO/photos by Jhoanne Abejo and Iren Fuentes/CIO)