PASPAS nga tabang ang gitanyag sa buhatan sa City Social Welfare and Development Department- Disaster Response Section alang sa sagunson nga sunog nga nahitabo sa Barangay Carmen bag-ohay lang.

 

Nasayra’ng sa mismong adlaw sa kapistahan, Agosto 28 nahitabo ang unang sunog diin mikabat 6 ka pamilya kon 202 ka indibidwal ang naapektohan sa sunog samtang ang ikaduhang sunog natigayon sa Zone 9N Creekside, Macanhan Carmen nga diin 22 ka pamilya kon 170 ka indibidwal ang naapektohan niadtong Agosto 30.

 

Lakip sa ayudang gitunol sa matag pamilya ang emergency supply kits nga gilangkoban sa hygiene kits, kitchen utensils, mosquito nets ug sleeping linens.

 

Gawas sa non-food items, midawat usab sa pagkaon ang mga fire survivors pinaagi sa community kitchen nga gi-andam sa CSWD Disaster Response Team ug Barangay Carmen pinangulohan ni Punong Barangay Rainier Joaquin “Kikang” Uy. Gani sa panahon sa usa ka bulan nga kapistahan sa dakbayan, mipatigbabaw gihapon ang panaghigalaay panahon sa pagsulay sa administrasyon ni Mayor Klarex Uy. (NLB/CIO/photos courtesy of CSWD Disaster Response Team)