GI-AWHAG sa lokal na kagamhanan ang publiko nga magsul-ob og face mask ilabina kung mogawas sa ilang mga panimalay, isip panalipod batok sa haze nga mahimong makaapekto sa kalidad sa hangin.

Ang kasamtangang haze nga nasinati sa pipila ka lugar giasoy nga may kalabotan sa aso gikan sa mga sunog sa kalasangan sa Indonesia nga mahimong madala sa hangin ngadto sa ubang mga lugar.

Ang haze mao ang sagol sa aso, abog, ug gagmayng partikulo sa hangin nga mahimong hinungdan sa irritasyon sa mata, pag-ubo, ug kalisod sa pagginhawa, ilabina sa mga bata ug senior citizens.

Busa, giawhag ang publiko nga magsul-ob og face mask, likayan usa ang pag-gawas sa balay, ug sundon ang pahibalo sa mga awtoridad bahin sa kalidad sa hangin.

Ubos sa pagpanguna ni Mayor Rolando ‘Klarex’ Uy, ang lokal na kagamhanan sa Cagayan de Oro nag-awhag sa tanan nga magtinabangay sa pagpanalipod sa panglawas sa komunidad. (MDS/CIO/PubMat by: Alrey Escueta/CIO)