MALAMPUSONG gipahigayun sa City Nutrition Committee uban sa Xavier Science Foundation, Inc., City Gender and Development Office ang First 1,000 Days Forum alang sa 60 ka nagpasuso nga inahan nga nagpuyo sa Geographically Isolated and Disadvantaged Areas–Indigenous Peoples (GIDA-IP), adlaw’ng Huwebes, Septiyembre 3, sa Barangay Tuburan covered court, ning siyudad.

 

Lakip sa gihisgutan sa maong forum ang proper nutrition atol sa lactation period sa usa ka inahan, Pinggang Pinoy alang sa mga buros ug nagpasuso nga inahan, ang importansya sa First 1,000 Days of Life, responsible parenthood ug proper oral hygiene.

 

Giapud-apod usab ang rice packs, hygiene kits ug IEC materials kalabot sa First 1000 Days.

 

Samtang, gipahigayun usab ang milk-letting activity nga gisalmotan sa 13 ka nagpasuso nga inahan.

 

Lakip sa mga barangay nga misalmot sa forum ang Barangay Pigsag-an, Taglimao, Tuburan, Tumpagon ug mga Health Personnel sa maong barangay.

 

Tumong sa forum ang matabangan ang mga nagpasuso nga maghimo og “informed choices” alang sa ilang health ug sa healthy growth and development sa ilang mga anak. (NLB/CIO/photos courtesy of XSF)