MALIPAYON ang 182 ka mga estudyante sa Batinay Elementary School sa barangay Tagpangi human nahimong beneficiaries sa outreach program sa LGU-CDO, adlaw’ng Miyerkules, Septiyembre 30.

 

Atol sa maong outreach program, midawat ang mga bata og personalized tumblers, hygiene kits, school supplies, vitamins, toiletries, payong ug tambal gikan sa nagkadaiyang buhatan sa LGU-CDO.

 

Mismo ang mga personahe sa Office of the City Human Resource Management Officer, uban sa designated administrative officers/HR designates sa matag buhatan ang mitunol sa mga donasyon.

 

Gitanyag usab ang usa ka Jollibee mascot party isip surprise sa mga bata sa Batinay Elementary School, giila isip usa sa last-mile school ning siyudad.

 

Nasayrang ang maong outreach program inisyatiba sa Office of the City Human Resource Management Officer nunot sa pagduyog sa siyudad sa kasaulogan sa 126th Philippine Civil Service Anniversary uban sa temang, "Puso, Dangal, at Galing Para sa Bayan.” (NLB/CIO/photos by Reynan Baylin/CIO)

 

#126thPCSA #BawatKawaniLingkodBayani #PusoDangalAtGaling #PhilippineCivilServiceAnniversary #LingkodBayan #PublicServiceExcellence #PCSA2026 #PCSA126 #RiseCDO