Unom ka adlaw sa dili pa matapos ang bulan sa Septiyembre, mokabat na sa P6,311.957.53 milyones ang nakolekta sa City Economic Enterprises and Business Development Administration (CEEBDA) sa upat ka merkado ug sa Kagay-an Resort.

 

Kini ang gipahibalo ni CEEBDA Acting General Manager Jocelyn Peñalosa basi sa gisumiter nga mga taho gikan sa mga personahi gikan sa tagsa-tagsa ka mga components sa CEEBDA.

 

Nasayran nga sa Septiyembre 1-24, 2026, ang Cogon market nakakolekta og P2,091,482.67; Carmen market, P1,405,526.28; Farmer’s Market and Transportation Terminal (FMTT), P2,041,349.57; Puerto market, P139,029.00; ug Kagay-an Resort, P634,570.00.

 

Usa sa gihingusgan ni Peñalosa human sa iyang katudloan isip acting general manager niadtong Hulyo 30, 2026 mao ang pagpatuman sa episyente nga sistema sa koleksyon.

 

Siya namahayag nga iyang paningkamutan nga mas motaas pa ang koleksyon sa CEEBDA ubos sa administrasyon ni Mayor Rolando ‘Klarex’ Uy sa mosunod pa nga mga bulan ug sunod tuig. (ALR/CIO/Photos from CEEBDA)