Wednesday, 04 November 2026 09:18

YEAR-END BONUS UG CASH GIFT MADAWATAN NA SA MGA EMPLEYADO SA CITY HALL SA DILI PA MAHUMAN ANG NOBYEMBRE

Written by
NAGPAGAWAS na ug kamandoan si Mayor Rolando “Klarex” Uy sa Local Finance Committee aron masugdan na ang pagproseso sa mga bonuses alang sa mga opisyal ug empleyado sa city hall. Subay niini, makadawat ang matag empleyado sa ilang YEAR-END bonus balor isa ka bulan nga sweldo ug cash gift balor P 5,000.
 
Base sa memorandum order nga gipagawas ni Mayor Klarex kagahapong adlawa, Nobyembre 3, Martes, mahimo na nga pagasugdan sa mga payroll officers, liaisons, ug department heads ang pag proseso sa mga bonuses sa matag empleyado sa ilang tagsa-tagsa ka mga opisina.
 
Gilauman nga madawat na sa tanang empleyado sa city hall ang ilang tagsa-tagsa ka mga year-end bonus ug cash gift sa dili pa mahuman ang bulan sa Nobyembre.
 
via Jade Adeser/CIO