Monday, 28 March 2022 06:58

P20M cold storage and packing facility magamit na

Written by
Mahatagan na og kaarangan ang kinitaan sa mga mag-uuma nga magbaligya sa ilang mga produktong utanon dinhi sa syudad kay magamit na man ang cold storage and packing facility human pormal kining gi-turnover sa Department of Agriculture ngadto sa syudad adlaw’ng Huwebes, Marso 24.
 
May be an image of 2 people and outdoors
 
Ang turnover ceremony sa monolithic dome cold storage and packing facility nga nahimutang sa City Engineer’s Compound, Barangay Kauswagan gipangulohan ni Mayor Oscar Moreno, DA Regional Director Carlene C. Collado, City Councilor Jay Roa Pascual, Acting City Agriculturist Paul Douglas Calingin, city hall dep’t heads, ingon man ang contractor sa maong proyekto.
 
May be an image of 5 people and people standing
 
Alayon niini, gipasalamatan ni Mayor Moreno si Dir. Collado ug DA Sec. William Dollente Dar nga ang syudad maoy gipili nga makadawat sa nasangpit nga proyekto nga dako og matabang sa mga mag-uuma dili lang sa syudad ug sa Misamis Oriental, apan lakip sa Northern Mindanao.
 
May be an image of 5 people, people sitting and people standing
 
Dugang sa mayor nga pinaagi sa maong cold storage dili na mabalaka ang mga farmers ug traders nga malata ug madaot ang ilang mga produkto kay aduna naman silay insakto nga kabutangan ug dili na maalkansi.
Kini nga cold storage and packing facility adunay kapasidad nga 300 metric ton o 250,000 kgs diin nagkantidad kini sa P19.9 milyones gikan sa Bayanihan Act 2 pinaagi sa buhatan sa DA. (ALR/Photos by Reynan Baylin-CIO)