Wednesday, 30 March 2022 06:03

Mga kalamboan sa senior citizens gituki atol sa ilang katiguman

Written by
GIPAHIGAYON ang 1st quarterly meeting sa mga senior citizens’ chapter presidents dinhi sa dakbayan alang sa paghatag og updates sa mga batakang serbisyo sa mga katigulangan ug aron mahisgutan usab ang mga kalamboan sa maong sektor ning tuig.
 
Atol sa maong kalihukan, gipresentar ang RA 11350 kon National Commission on Senior Citizens Act diin nalakbitan ang hisgutanan sa tahas sa mga senior citizens sa nation building, Mandanas Ruling ug IRA issues, ug database alang sa tanan senior citizens.
 
May be an image of 12 people, people sitting and people standing
 
Gituki usab ni Ms. Janeth Sinayon ug Ms. Nihaya Modiaba ang Anti-Elderly Abuse Ordinance nga gipasa sa 19th City Council diin gipalapdan ang ilang kahibalo sa mga klase sa elderly abuse ug ang legal basis sa pagpasa sa maong ordinansa.
 
Gikalipay usab sa mga chapter presidents ang mga kalamboan nga gisaysay ni Ms. Coleen Ancajas-Chavez, Senior Citizens Focal Person, kinsa mihisgot sa Welcome Gift Program for new senior citizens, issuance of SC IDs and Purchase Booklet, Social Pension Program ug Centenarian Awards Payout nga gipundohan sa DSWD ug lokal nga kagamhanan, Burial Assistance payout ug Level II accreditation sa CDO Senior Citizens Center.
 
May be an image of 1 person, standing and indoor
 
Misalmot si City Councilor Roger Abaday sa maong kalihukan ug nagpresentar sa iyang accomplishments sa senior citizens sector isip Senior Citizens Committee Chairperson sa konseho. (SPP)