GIKLARO ni Dr. Jose Chan, medical director sa Northern Mindanao Medical Center (NMMC), nga 'with pay' ang mga job order ug regular personnel bisan pa man nga anaa kini sa 14-day quarantine kon ugaling na-expose sa usa ka COVID-19 nga pasyente.

Kini ang gipasabot ni Dr. Chan atol sa daily press briefing sa City Mayor's Office, Marso 24 ning tuig.

Ang nahisgutang mga kawani mao kadtong mga doctors, nurses ug uban pang medical ug non- medical staff kinsa maoy nag-atiman sa persons under investigation kon PUIs.

Samtang, gisigurong mahatagan usab sa tukmang overtime pay ang mga personahe sa ospital nga mohatag og overtime services.

By Archie Pagayaman / Photo by Roel Felicitas