Misaka ang ihap sa mga benepesyaryo sa solo parents program sulod sa tulo ka termino ni Mayor Oscar Moreno inubanan sa hugot nga paningkamot sa City Social Welfare and Development Solo Parents Section.

 

Sumala ni CSWD Solo Parents Section Head Mary Apple Dawn Tabafa ang pagsaka sa ihap gikan 500 ngadto na sa kapin 2,000 usa ka pamatuod nga daghan na ang nakahibalo sa ilang katungod isip solo parent.

 

 

Gani mapasalamaton si Fe Virtudazo, usa sa nakabenepisyo sa solo parent program ug molupyo sa Barangay Indahag, human nakadawat sa nagkadaiyang serbisyo ug benepisyo pinaagi sa programa.

 

Tipik niini ang libreng stress debriefing, cash assistance isip dugang capital sa negosyo, pagsalmot sa trade fair sa food processing, ug educational assistance sa iyang mga anak.

Si Virtudazo kasamtangang miyembro sa 'Klasik', usa ka grupo nga gahimo ug gabaligya sa Spanish sardines.

 

Alang sa mga solo parents nga wala pa'y ID, bisita lang sa link: https://services.cagayandeoro.gov.ph/soloparent/ (NLB/CIO/Photos taken during pre-pandemic, courtesy of CSWD)