Lain na usab nga batan-ong mag-uuma ang nagmalampuson sa agribusiness ubos sa Bayanihan sa Agrikultura para sa Kabatan-onan, Kaumahan ug Katubigan (BAKA) program sa syudad ubos sa administrasyon ni Mayor Oscar Moreno pinaagi sa Agricultural Productivity Operations Office (APOO), uban sa mga national agencies.

 

Si Rica Mae Dagupioso sa Brgy. Camaman-an nagsugod sa free-range native chicken production niadtong bulan sa Hulyo sa niaging tuig sa duha lamang ka mga manok.

Pinaagi sa BAKA program, 30 pa ka mga manok ang iyang nadugang sa agribusiness.

 

 

Sa kasamtangan, mokabat na sa 60 ka klase-klaseng manok ang malampuson nga gidumala ni Dagupioso.

 

Nagmalambuon usab sa susamang agribusiness si Rollie Bangcoyo sa Brgy. Mambuaya diin sa sinugdanan usa lamang ka kalingawan ang pagpangolekta og native chicken apan karon uban sa BAKA program kapin na sa 200 sa nagkalain-laing klase sa manok ang iyang nahuptan.

 

 

Dugang niini, namaligya usab si Bangcoyo sa iyang kaugalingon nga “Rollie’s Sukang Makakurat”.

 

Alang sa dugang kasayuran ug sa gusto mag-order sa iyang suka ug chicken production, motawag lamang sa mobile no. 09051470693, o kaha sa iyang fb account Rollie Bangcoyo. (ALR/CIO) Photos from APOO