GIAWHAG ang katawhan sa syudad nga buot magdonar og dugo sa pagsalmot sa ipahigayon nga city-wide bloodletting activity karong sabado, Hunyo 25 diha sa Atrium, Limketkai mall, alas 8:00 sa buntag hangtod alas 4:00 sa hapon.

 

Ang nasangpit nga bloodletting activity gipasiugdahan sa kagamhanang lokal sa Cagayan de Oro pinangulohan sa City Health Office ug City Health Insurance Office kauban ang Philippine Red Cross isip pagpangandam sa posibleng pagtaas sa panginahanglan sa dugo bunga sa sakit nga dengue.

 

Mahimong makadonar og dugo ang si bisan kinsa nga nagtimbang og 50 kilos pataas, 18 ngadto 59 anyos o 50 anyos alang sa ‘first-time donor’, walay ‘sexually transmitted disease’, wala na-exposed sa COVID-19 patient, ug himsog ang panglawas.

Ang mga blood donors moagi sa proseso sa registration, blood pressure taking & weighing, interview sa doctor, hemoglobin testing & blood typing. (AGP/CIO)