MAPASIGARBUHONG itunol karo’ng adlawa, Hunyo 24, ang 42-classroom, 4-storey with ramp Cugman National School sa pagpanguna ni Mayor Oscar Moreno, Department of Education-Division of Cagayan de Oro ug mga sakop sa Local School Board kon LSB.

Ang P63-million project mao na ang ika-43 nga school building nga natukod ubos sa administrasyon ni Mayor Moreno sukad paglingkod niini sa tuig 2013.

 

Kasamtangang anaa na sa 816 classrooms ang natukod sa syudad gamit ang pundo sa Special Education Fund (SEF) nga gikan usab sa real property tax.

 

 

Tumong sa administrasyon ni Mayor Moreno nga mahatagan og kasulbaran ang emergency classes nga nasinati sa dakbayan sa mga nangaging katuigan tungod sa kakulangon sa mga classrooms, ug mahatagan sa saktong edukasyon ang mga kabataan.

Kahinumdoman nga gitunol usab kagahapong adlawa ang 52 classroom Bulua Central School. (ACM/Photos by JOMAR FIGURACION/CIO)