MIDAWAT ang ubay-ubay ka mga Micro, Small, and Medium Enterprises (MSMEs) sa dakbayan og Business and Restaurant Management Console (BRMC) gikan sa LAYERTech Software Labs inabagan sa lokal nga kagamhanan sa Cagayan de Oro City.

Lakip sa gipang-apud-apod ang ‘lifetime’ nga lisensya sa paggamit sa maong software, pagbansay, ‘tech support’ ug ‘learning portal access’ pinaagi usab sa inisyatiba sa USAID Strengthening Urban Resilience for Growth with Equity (SURGE) Project inubanan sa Oro – Trade and Investment Promotions Center.

 

 

Ang maong programa usa ka pamaagi aron mahimong ‘digitalized’ ang marketing ug operations sa mga MSMEs ug mas mapasayon ang Point of Sale (POS), Inventory Management ug Finance Monitoring nga makatabang sa pagpalambo sa mga establisemento ug gagmay’ng Negosyo, ug mapaspasan ang economic recovery sa dakbayan.

 

Tipik lamang kini sa mga unang lakang sa administrasyon ni Mayor Klarex Uy sa tuyo nga molig-on pa ang ekonomiya ug panginabuhian sa katawhan sa dakbayan. (SPPalen/CIO)