GILARAW ni Mayor Rolando ‘Klarex’ Uy ang katukoran sa City College sa tuig 2023 sa tinguha nga mahatagan og libre’ng college education ang mga naglisod sa pagpatungha sa ilang mga anak sa kolehiyo.

Kini ang gibutyag ni Mayor Klarex atubangan sa mga kadagkoan sa Department of Education-Division of Cagayan de Oro bag-ohay lang.

 

Matud ni Mayor Klarex paninguhaon sa iyang administrasyon nga makamugna og labing unang City College sa syudad aron daghan ang mahatagan og kaarangan sa kinabuhi ug matubag ang kapobrehon.

Una nang gipahibalo sa mayor sa maong katiguman ang iyang laraw sa pagdugang usab og 86 ka classrooms sa nagkalain-laing barangay ning syudad. (ACM-CIO/Photo by Isabelle Czarina Soriano/CMO)