MIBISITA ang mga opisyales sa munisipyo sa Dumalinao, Zamboanga del Sur alang sa usa ka benchmarking activity dinhi sa Cagayan de Oro, kagahapong adlawa (Hulyo 14).
Ang grupo gipangulohan mismo sa ilang Municipal Mayor nga si Junaflor S. Cerilles, diin sila giabi-abi ni Mayor Klarex Uy atol sa ilang pagkortesiya sa mayor.
Uban usab ang ilang Local Youth Development Officer Vee Arr P. Cruz ug Social Welfare Officer III Danilo Buca kinsa midalikyat sa Oro Youth Development Office aron makigkita kang Oro Youth Development Officer James Patrick 'JP' Santos ug tun-an ang mga best practices sa maong buhatan.
Ang grupo giubanan sa mga personahe sa City Social Welfare and Development Department ubos ni Acting CSWD Officer Anecia C. Tongson, ug City Council for the Protection of Children Vice Chairperson Jonah A. Domingo. (NLB/CIO/photos by Aicy Soriano/CMO and Reynan Baylin/CIO)