Monday, 18 July 2022 06:44

40 KA MGA TINUN-AN MITAPOS SA 'PEER EDUCATORS TRAINING'

Written by
NAGMALAMPUSON ang duha ka adlaw nga ‘Peer Educators Training’ nga gipahigayon sa kagamhanang lokal sa Cagayan de Oro pinaagi sa Community Improvement Division ubos sa Adolescent Health & Development program, kauban ang Department of Education-City Schools Division ug Commission on Population & Development niadtong Hulyo 14-15 ning tuig.
 
Muabot sa 40 ka mga tinun-an gikan sa walo ka tunghaan sa syudad ang misalmot sa maong training.
 
May be an image of one or more people and people standing
 
Laraw niini nga mabansay ang mga kabatan-onan nga mahimong volunteers sa ilang tagsa-tagsa ka mga school-based teen centers.
Ang ‘peer education’ usa ka epektibong istratehiya sa pagdasig sa mga kabataan sa pagbaton og maayong pamatasan, paglikay sa dili maayong binuhatan sama sa paglambigit sa illegal drugs, paghatag og hustong impormasyon kalabot sa sexual and reproductive health ug uban pa.
 
Nagpadayag usab sa iyang hugot nga suporta sa programa si City Councilor John Michael Seno, chairman sa Committee on Sports & Youth Development sa 20th City Council. (AGP/CIO/Photos from Oro Youth Center FB page)