MISALMOT sa National Health Insurance Program orientation kabahin sa Philhealth Konsultang Sulit at Tama (Konsulta) primary care benefits ang City Health Office ug City Health Insurance Office kagahapon, Hulyo 19 ning tuig.

Atol sa maong konsulta orientation, gitunol usab ang mga ‘certificates of recognition’ agi’g pag-ila sa kaikag ug paningkamot sa City Health Office, health centers sa barangay Carmen, Lapasan, Nazareth, Tablon ug City Hospital – Lumbia nga mahimong konsulta package provider sa Philhealth.

 

Mismo si Dr. Rachel Dilla, Acting City Health Officer ug Dr. Efren Celeste, Acting City Health Insurance Officer, ang midawat sa pasidungog.

 

Kahinumduman sa milabay’ng tuig una nang nahatag sa JR Borja General Hospital ang accreditation sa Philhealth Konsulta package, ug gani karong tuiga, gipasidunggan na kini gumikan sa hugot nga suporta sa programa.

Sa pagkakaron, anaa pa sa walo ka mga facilities sa tibuok Misamis Oriental ang accredited sa Philhealth regional office sa Konsulta package provider kung asa pito niini anaa sa Cagayan de Oro ug usa usab sa Gingoog.

Ang Philhealth konsulta package mao ang gipalapdan nga primary care benefits ubos sa Universal Health Care Program aron paghatag og outpatient health services sa katawhan sama sa primary care services, select laboratory & diagnostic examination ug select drugs & medicines. (AGP/CIO/Photos from the CHIO)