Misalmot ang mga personahi sa Agricultural Productivity Operations Office (APOO) sa gipahigayon nga Coconut Farmers and Industry Development Plan (CFIDP) Launching and Information Caravan 2022 alang sa Misamis Oriental ug Camiguin Province bag-ohay lamang sa De Luxe Hotel ning syudad.

 

Gipasabot ni APOO Acting City Agriculturist Paul Douglas Calingin nga tumong sa programa nga mapasaka ang productivity ug income sa mga coconut farmers, poverty alleviation, education, ug social equity and rehabilitation, ingon man modernization sa coconut industry.

 

Nasayran nga usa sa mga agenda sa administrasyon ni Mayor Klarex ang pagpalambo sa produksyon sa agrikultura ubos sa economic recovery program.

Gani suportado sa mayor ang mga programa ug kalihokan sa mga mag-uuma ug mangingisda ning syudad.

Mokabat 16 ka mga ahensya ang nalambigit sa programa aron paghatag og mga interventions sa mga coconut farmers. (ALR/CIO/Photos from APOO)