ISIP Consistent Regional Outstanding Winner in Nutrition (CROWN), mipailawom na usab sa evaluation and validation ang City Nutrition Committee sa Cagayan de Oro sa pagpangulo ni City Nutrition Action Officer Nenita Rabe sa tinguha nga maangkon sa ikaduhang higayon ang maong pasidungog.

 

 

Nasakmit sa syudad ang CROWN award sa tuig 2019 human nakuha ang Green Banner Award sulod sa tulo ka tuig.

 

Matud ni Ms. Gladys Mae Fernandez, regional Nutrition Program Coordinator, sa unom ka mga syudad nga CROWN awardee sa 2019, ang Cagayan de Oro lamang ang nagpabiling nominado sa CROWN Award karong tuiga, sanglit nagpadayon ug namintinar sa syudad ang mga programa alang sa nutrisyon.

 

Subay niini, malaumon ang City Nutrition Council nga masungkit na usab niini ang maong pasidungog human sa tulo ka adlaw nga validation visit.

 

Lakip sa midawat sa validation team karong buntag si Konsehal Maria Lourdes Gaane, City Health Department Head Dr. Rachel Dilla ug mga personahe sa City Nutrition Committee. (ACM/Photos by REYNAN BAYLIN/CIO)