Gideklarar na sa Philippine Drug Enforcement Agency (PDEA-10) nga cleared gikan sa gidiling druga ang Barangays 1, 7, ug 14 sugod niadtong Mayo 27, 2022, diin moabot na sa 13 ka mga barangay ning syudad ang gi-classified nga drug-cleared.

 

Si City Councilor Romeo Calizo, co-chairman sa City Anti-Drug Abuse Council (CADAC), PDEA-10, Cagayan de Oro City Police Office (Cocpo), Archdiocese of Cagayan de Oro, Office for Community Affairs (OCA) Head Oliver Egypto ang nangulo pagtunol sa certification ngadto nila ni Punong Barangay Anthony Abejuela sa Brgy 1, Punong Barangay Raleigh Velez sa Brgy. 7, ug Punong Barangay Francisco Laihee sa Brgy. 14 atol sa commencement exercise sa 12 ka plea bargain clients, Martes, Hulyo 26.

 

Alayon niini, gipahalipayan ni Kag. Calizo ang mga punong barangay ug gipasalamatan sa ilang paningkamot ug suporta sa programa sa syudad batok sa gidiling druga.

 

Samtang gipasabot usab sa PDEA nga magpadayon ang ilang pag-monitor sa mga bag-ong gideklarar nga drug-cleared barangays aron malikayan ang pagbalik sa illegal drug trade activity sa ilang barangay. (ALR/CIO/Photos by Roel Felicitas/CIO)