SUPORTADO ug giduso na ni Mayor Rolando “Klarex” Uy ang planong pagmugna og Black Soldier Fly Larvae diha sa East-West Terminal and Public Market (EWTPM) sa Brgy Bulua.

 

Kini agi’g tubag sa hangyo ni Ms. Jocelyn Penalosa, officer in charge sa EWTPM, ug rekomendasyon ni Engr. Armen Cuenca sa City Local Environment and Natural Resources Office (Clenro) nga makunhoran ug ma-convert sa organic waste ang mga produkto sa merkado ug mahimong pagkaon sa mga binuhing hayop, fish ug poultry feeds, ingon man residue fertilizer alang sa pagpatambok sa yuta.

 

 

Tungod sa bioconversion process, dako ang pagkunhod sa residual wastes nga dad-on sa sanitary landfill nga moresulta usab sa pagkunhod sa leachate ug methane gas sa basurahan isip resulta sa maong proseso.

Subay niini, malaumon si Mayor Klarex nga dako og tabang ang maong proyekto alang sa solid waste management program sa syudad. (ACM/Photos by JUN CANETE/CIO)