PADAYONG gipailawom sa Alert Level 1 ang dakbayan sa Cagayan de Oro sugod Agosto 1 hangtod 15 ning tuig human gideklara sa Department of Health ang Alert Level System status sa nasud isip Chair sa Inter-Agency Task Force for the Management of Emerging Infectious Diseases (IATF-EID).

 

Ubos sa Alert Level 1 status, ipatuman gihapon ang minimum public health standards sama sa pagsuot og face mask, physical distancing, ug pagpabakuna aron masiguro ang luwas nga panglawas sa katawhan bisan pa man og gitugotan na ang 100% capacity sa mga establisemento.

 

Gipahinumduman usab ang katawhan nga magbinantayon ug motuman sa mga gabayan hilabi na sa mga adunay planong mosalmot sa mga face-to-face activities atol sa Higalaay Festival 2022 month-long celebration.

Sa kasamtangan, usa ang Cagayan de Oro sa mga lokal nga kagamhanan nga nagpabiling ubos sa Alert Level 1 samtang gipasaka sa Alert Level 2 ang ubang mga lugar diin adunay pagsaka sa Covid-19 cases ug ubos ang vaccination rate. (SPPalen/CIO)