GIHANGYO ni City Mayor Rolando ‘Klarex’ Uy ang mga punong barangay nga suportahan ang tanang programa nga gipatuman sa City Health Office, ilabina ang pagpamakuna batok COVID-19, atol sa gipahigayong panagtigom sa Liga ng mga Barangay, Agosto 2 ning tuig.

 

Atol sa maong tigom, gipresenta ni Dr. Ina Grace Chiu, National Immunization Program coordinator sa CHO ang updates sa vaccination rollout sa syudad.

Gihingusgan ni Dr. Chiu nga dako ang papel sa mga kapitan pagkombinsir sa mga katawhan nga magpabakuna aron maprotektahan ang kaugalingon batok sa virus.

 

Naghangyo usab si Dr. Chiu nga suportahan sa mga barangay ang “presidential directives on COVID-19 response and vaccination program” alang sa unang 100 days nga paglingkod ni President Ferdinand ‘Bongbong’ Marcos Jr., kung asa naninguha nga makab-ot ang 90% vaccine coverage sa mga senior citizens alang sa first ug second dose ug 50% usab sa target alang sa first booster dose sa mga 12 anyos pataas. (AGP/CIO/Photos Isabelle Czarina Soriano & April Lorenzana/CMO)