GILARAW karon sa City Health Office nga ibalik ang pagpamakuna matag adlaw’ng Sabado diha sa SM CDO Downtown Premier.

Kini ang gibutyag ni City Health Officer Dr. Rachel Dilla atol sa weekly press briefing niadtong Lunes aron usab mahatagan sa panahon kadtong dili makahigayon sa pagpabakuna sa adlaw sa semana.

Gihingusgan karon sa syudad ang paghatag sa first ug second booster shots alang sa nag-edad 12 anyos pataas, adult population, healthcare workers, senior citizens ug immunocompromised o’ kadtong adunay gihambin nga balatian. (IAF-CIO/file photos)