Thursday, 04 August 2022 04:54

Multi-media package alang sa mga tukoko'ng tunghaan ihatag ni Klarex

Written by
SUPORTADO ni Mayor Rolando “Klarex” Uy ang programa sa edukasyon ning syudad pinaagi sa paghatag og dugang classrooms diin maglakip na kini sa kompletong multi-media package.
Matud ni Mayor Klarex nga laumang makabaton ang matag tunghaan og SMART TV, projector, sound system ug computer desktop nga tukoron ubos sa iyang administrasyon.
Gipasalig usab sa mayor nga paningkamotan sa iyang administrasyon ang paghatag og internet connectivity sa mga tunghaan nga walay internet connections diin sugdan kini karong tuiga hangtud sa tuig 2023.
Kahinumdoman nga lakip sa priority project ni Mayor Klarex alang sa edukasyon ang pagmugna og community college sa sunod tuig. (ACM-CIO/Photo by Isabelle Czarina Soriano-CMO)