Mipasalig si Department of Interior and Local Government Secretary Benjamin Abalos Jr. ngadto kang Mayor Rolando `Klarex’ Uy nga gahinan og igong pundo ang katukoran sa Police Station 1 human kini gisubhan niadtong Miyerkules, Agosto 3.

 

 

“I will support you Mayor, rest assured if we could do it jointly mas maganda siguro, pupukpukin ko talaga sarili ko para rito,” pamahayag ni Sec. Abalos.

Siya mipasabot nga ang pundo sa DILG ning tuiga alang sa 53 ka mga police stations sa tibuok nasud mokabat sa P373 milyones apan iyang pangitaan og paagi nga maapas pa ang pundo alang sa maong proyekto.

Samtang, gidayeg ug gipasalamatan usab ni Sec. Abalos si Mayor Klarex sa pagtanyag og luna sa syudad aron tukuran sa police station 1 diha sa kanhi Post Office sa dalan Chavez.

 

Matud ni Sec. Abalos nga isip amahan sa syudad nasayod si Mayor Klarex kung unsa ang gikinahanglan ug kini mao ang kahusay ug kalinaw tungod kay mabalewala ang ‘economic activity’ sa syudad kung daghan ang kriminalidad.

“Kaya ang galing ni Mayor Klarex kaagad sa sentro nitong Divisoria itatayo itong police station no. 1 and that is what you call foresight,” dugang ni Sec. Abalos.

 

 

Gipahalipayan usab ni Sec. Abalos ang Cagayan de Oro City Police Office (Cocpo) sa maong kalambuan ug subling gipahinumduman nga dili mahimo sa kapulisan nga sila lang, ug gikinahanglan niini ang tabang sa katawhan diha sa pagsumpo sa kriminalidad ug pagpatunhay sa kahusay ug kalinaw. (ALR/CIO/Photos by Rod Constantino/CIO)