MIBISITA ang Local Youth Development Council sa Davao del Sur alang sa usa ka benchmarking activity dinhi sa Cagayan de Oro, kagahapong adlawa (Agosto 4).

Ang grupo gilangkoban nila ni Davao del Sur Youth Focal Bob Nicholas Chatto, RSW; Social Worker Mary Angelica Curato, RSW; Youth Focal Alvin Reyes ug Analyn Albacite; Provincial SK Federation President Kyle Shanine Razonable ug ang Municipal Youth Focal sa Bansalan, Davao del Sur nga si Jan Marnie Aquino.

 

 

Giabi-abi ni Mayor Klarex Uy ang grupo atol sa ilang pagkortesiya sa mayor. Lakip sa miabi-abi kanila si SK Federation President John Michael L. Seno ug Committee on Tourism Chairperson City Councilor Jay Roa-Pascual.

Sila unang midalikyat sa Oro Youth Development Office ubos ni Oro Youth Development Officer James Patrick Santos aron paghisgot sa mga flagships programs, structure ug youth code ning siyudad.

 

Anaa usab ang City Social Welfare and Development (CSWD) Department diin gi-presentar sa buhatan ang ‘child-friendly practices’ sa siyudad pinaagi ni CSWD Child Protection Focal Person Honey Jane Tulang ug City Council for the Protection of Children Vice Chairperson Jonah A. Domingo.

 

Ang Davao del Sur ang ikaduhang LGU nga midalikyat dinhi sa syudad ubos sa administrasyon ni Mayor Klarex Uy alang sa pag-obserbar sa good practices sa Oro Youth Development Office, CSWD ug CCPC human napili ang Cagayan de Oro isip model Local Youth Development Council sa Mindanao.

 

Kahinumduman nga mibisita usab ang LGU sa Dumalinao, Zamboanga del Sur sa susamang rason niadtong Hulyo 14. (NLB/CIO/photos by Aicy Soriano/CMO/Roel Felicitas/CIO and Oro Youth)