Monday, 08 August 2022 06:25

Kag Seno nangulo paglusad sa ‘Oro Youth Month’

Written by
GILUSAD sa Oro Youth Development Office ubos ni Oro Youth Development Officer James Patrick Santos ang ‘Oro Youth Month’ atol sa pagpakayab sa nasudnong bandila, karong adlawa, Agosto 8, diha sa city hall quadrangle.
Mismo si Sangguniang Kabataan Federation President John Michael L. Seno ang mibukas niini, diin siya mipasalamat sa paghatag og atensyon sa 20th city council sa kabatan-onan sa Cagayan de Oro.
 
"This year's theme for International Youth Day is 'Creating a world for all ages.' Gone are the days nga 'bata ra ta, diha ra ta'. Vast example of this is that kabalo ang konseho karon nga it has been practiced before na ang SK Federation President, is usa ra ka komitiba ang gunitan. SK ra ta, Sports and Youth Development lang ang imong gunitan. Pasalamat ko kay nakita mismo sa konseho sa dakbayan na wala'y ignon nga 'bata ra ta' kon dili gitagaan kita og other committees nga pwede nato gunitan," saysay ni Kagawad Seno.
 
May be a cartoon of 3 people and text
 
Pipila ka mga kalihokan ang gihan-ay sa maong buhatan uban sa pagsiguro nga nasunod ang pagtuman sa precautionary measures batok COVID-19.
Kini gilangkoban sa BAKA: Produce Exhibit, BAKAbataan: Ang Unang Yugto, Adolescent Health Day Celebration, International Youth Day, State of the Youth Address, Rotary Youth Launching ug uban pa.
Tumong sa maong kasaulogan nga madasig ang mga kabatan-onan nga mosalmot sa mga programa ilabina sa Linggo ng Kabataan.
 
May be an image of 4 people and people standing
 
Ang kasaulogan sa Oro Youth Month gipangulohan sa LGU-CDO pinaagi sa Oro Youth Development Office, Oro Youth Developpment Council, SK Federation-CDO, CDO Out-of-School Youth Development Alliance, CDO Teen Center ug Agricultural Productivity Operations Office (APOO). (NLB/CIO/photos by Aicy Soriano/CMO)