Wednesday, 24 August 2022 05:23

Indigenous Peoples sa 14 ka brgy mipasundayag sa ilang mga talento

Written by
Mipasundayag sa ilang talento ang mga Indigenous Peoples (IPs) gikan sa 14
ka barangay nunot sa nagkaduol nga kapistahan ni Señor San Agustin, Agosto 22, diha sa City Hall Quadrangle, ning siyudad.
Una nang mipahigayon og parada ang mga IPs gikan Rodelsa Circle hangtud City Hall Quadrangle.
 
May be an image of one or more people, people standing and outdoors
 
Gani sa City Hall Quadrangle, aduna'y gihimo nga hamubong programa nga gisugdan sa usa ka ritual pinangunahan ni Baylan Sumagayan Benie Malinda.
Atol sa programa, girepresentar ni Acting City Administrator Atty. Roy Hilario P. Raagas si Mayor Klarex Uy diin iyang gipasalig ang hugot nga suporta sa mayor alang sa mga IPs.
 
Gani, sugdan na ang outreach program sa kabarangayan ni Mayor Klarex Uy nga gitawag og 'Klarex nga Serbisyo sa Baryo' karong Agosto 25 diha sa barangay Tignapoloan, diin lakip sa makabenepisyo niini ang IPs sector ug ang 14 ka barangay diin nahisakop ang mga IPs.
 
Kini mao ang barangay Balubal, Bayanga, Cugman, Dansolihon, Lumbia, Mambuaya, Pagalungan, Pigsag-an, Tablon, Taglimao, Tagpangi, Tignapoloan, Tuburan ug Tumpagon.
 
Mitambong sa kalihokan sila si City Social Welfare and Development Department Overseer Pastor Dimver D. Andales; Acting CSWD Officer Anecia Tongson; CSWD Assistant Department Head Nida Paña; CSWD Community and Social Development Division Head Joan Acraman; CSWD IPs Section Focal Person Nena Lumandong; CSWD Centers and Institutions Division Head Myrna Replagao; CSWD Early Childhood Care and Development Division Head Chona Silvosa; Acting Provincial Officer sa National Commission on Peoples (NCIP) Provincial Office Atty. Jerie M. Ragsac; City Department of Interior and Local Government (DILG) Director Engr. Jane Docallos; Samdhana Institute, Inc. Representative Mark Jeano Duyan; City Local Investment Officer Eileen San Juan; mga Indigenous People Mandatory Representatives (IPMR); IPs youth and tribal councils ug uban pa. (NLB/CIO/photos by Jomar Figuracion, Reynan Baylin/CIO and CSWD)