GI-ANUNSYO ni Dr. Ina Grace Chiu, national immunization program coordinator sa City Health Office atol sa weekly COVID-19 response press briefing niadtong Agosto 22, nga padayon sila modawat og hangyo alang sa ‘company o’ office vaccination’.

 

Kini sa tuyo nga maadtoan ang mga empleyado nga interesadong magpabakuna apan wala’y higayon nga maka-adto sa mga vaccination centers.

 

Subay usab kini sa #PinasLakasGetBoosted’ campaign sa syudad alayon sa presidential directives ni President Ferdinand Marcos Jr. nga mapalapdan ang first booster dose coverage sa 12 anyos pataas ug pagkompleto usab sa primary vaccines kon first ug second doses sa mga senior citizens.

 

Sigon ni Dr. Chiu karong semanaha nabakunahan sa mobile vaccination team ang mga empleyado sa duha ka call center companies dinhi sa dakbayan.

Dugang pa ni Dr. Chiu ang company/office vaccination abli alang sa mga trabahante ug sa ilang mga pamilya.

 

Alang sa mga interesado, mahimong magsulat lang kang Dr. Rachel Daba-Dilla, City Health Officer o’ kontak kang Mr. Daniel John Torres, CHIO vaccinator team leader sa numero 09271358552. (AGP/Infographics by Roderic Constantino/CIO)