Tuesday, 06 September 2022 00:47

Dengue cases sa syudad anaa na sa alert level, katawhan gihangyo sundon ang 5S strategy

Written by
ANAA na sa alert level ang mga kaso sa dengue dinhi sa Cagayan de Oro sugod Enero ning tuig basi sa datos sa City Health Office (CHO).
 
Matud ni City Epidemiologist Dr Teodulfo Joselito Retuya Jr., bisan oa man og adunay pagkunhod sa pipila ka semana apan nakitaan kini og pagsaka sa dengue cases sa week 1-32, diin mitala og kapin 1,000 ka kaso ang syudad sulod lamang sa 8 ka bulan.
 
May be an image of text that says 'Figure Number fDengue Cases Morbidity Month 2021 2022 Cagayan de Oro City 250 200 150 O0 을 100 50 Jan 102 55 2022 2021 Feb 88 50 Mar 111 65 Apr 118 45 May 99 34 Jun 218 42 Jul 236 67 Sep Oct Aug 82 62 Nov Dec 56 107 174 139'
 
Dugang pa ni Dr. Retuya mitala og taas nga kaso sa dengue ang Cagayan de Oro tulo ka tuig na ang nilabay ug laumang masinati na usab kini karong tuiga, sanglit basi sa ilang pagtuon, mahitabo gayud ang pagsaka sa dengue cases matag duha o tulo ka tuig.
 
Samtang, sumala sa datos, nag-edad og 0 hangtud 97 years old ang mga natakboyan sa sakit nga dengue ug mas daghan niini ang anaa na sa hamtong nga panuigon. .
 
Busa gihangyo ni Mayor Rolando “Klarex” Uy kauban ang CHO ang kooperasyon sa katawhan pinaagi sa kanunay nga paghinlo sa palibot, ilabina sa mga posibleng itlogan sa lamok ug pagsunod sa 5 S batok dengue; Search and Destroy, Self-Protection, Seek Early Consultation, Support Fogging ug Sustain Hydration. (ACM/CIO)