DUHA sa priority programs ni Mayor Rolando “Klarex” Uy ang paghatag og pagtagad sa edukasyon ug serbisyong medikal sa iyang pagdumala sa dakbayan.

 

Sa mensahe ni Mayor Klarex atol sa “Klarex nga Serbisyo sa Baryo”, dako iyang kalipay nga maserbisyohan ang mga residente sa kabukiran sa Distrito 1 pinaagi sa Lumbia Hospital nga ma-fully operational na sa dili pa matapos ang tuig 2022.

 

 

Gibutyag usab sa mayor nga iyang tutokan ang pagpalambo pa sa kasamtangang JR Borja General Hospital (JRBGH), ug malaumon kini nga mahimo nang Level II sunod tuig.

 

Samtang, gitutokan usab ni Mayor Klarex ang pagtukod og dugang tunghaan alang sa public elementary ug secondary schools aron pagtubag sa padayong pagsaka sa ihap sa mga estudyante ug masulbad ang emergency classes sa pipila na lamang ka mga tunghaan.

 

Lakip sa laraw sa mayor ang pagbutang og complete multi-media package, lakip SMART TV, projector, sound system ug computer desktop. (ACM/Photos by ROD CONSTANTINO/CIO)