NAGPAHIGAYON ang City Veterinary Office ug CDO Animal Rescue Org sa libreng rabies vaccination ug konsultasyon alang sa mga iro ug iring kagahapong adlawa, Sept. 18, 2022 sa may Centrio Ayala Mall.

Mokabat sa 49 ka mga iro ug iring ang nabakunahan atol sa maong kalihukan.

 

Gani, gikalipay kini sa mga pet owners sanglit dako kini og tabang kanila nga mabakunahan ang ilang mga binuhing iro ug iring nga libre.

 

Gawas sa rabies vaccination, nagtanyag usab ang City Vet sa libreng pagpangapon sa mga iro ug iring. (AMTB-CIO/Photos by City Vet)