Tuesday, 20 September 2022 04:09

4-storey, 12-classroom bldg sa West City Central School tukoron

Written by
APROBADO na sa Local School Board (LSB) ubos sa pagpangulo ni Mayor Rolando “Klarex” Uy ang katukoran sa 4-storey, 12-classroom school building sa West City Central School atol sa ilang tigom bag-ohay lamang.
 
Adunay P66 million nga pundo ang gigahin sa administrasyon ni Mayor Klarex pinaagi sa Special Education Fund (SEF) alang sa West City Central School nga sa kasamtangan nakasinati pa sa emergency classes tungod sa kadaghan sa mga estudyante niini.
 
Tinguha sa mayor nga mahatagan og kasayon ang mga kabataan lakip mga ginikanan ug magtutudlo sa paghatag sa sakto ug de-kalidad nga edukasyon.
 
Ang katukoran sa dugang 4-storey, 12-classroom building sa West City Central School usa lamang sa daghan pang mga classroom projects nga tukoron ubos sa administrasyon ni Mayor Klarex sa nagkalain-laing public elementary schools ning syudad. (ACM/CIO)