Tuesday, 20 September 2022 04:10

Mga kawani sa city hall giaghat manguna sa mobile vax sa city hall matag biyernes

Written by
NANAWAGAN pag-usab si City Administrator Atty. Roy Hilario Ragaas sa mga empleyado sa city hall nga manguna pag-aghat sa ilang mga pamilya ug kahigalaan nga magpabakuna ug suportahan ang matag biyernes nga COVID-19 mobile vaccination sa city hall.
 
Gipasabot ni Atty. Raagas ang kamahinungdanon sa pagkompleto sa primary dose series ug booster doses sa bakuna aron malikayan ang ‘severe symptoms’ kon ugaling matakbuyan sa sakit nga COVID.
Ang matag adlaw’ng biyernes nga pagpamakuna sa city hall mini park gipangunahan sa City Health Office, City Health Insurance Office, uban sa suporta sa ReachHealth project USAID ug Department of Health.
Kini alang sa first ug second dose niadtong 5 anyos pataas ug first booster dose usab alang sa mga 12 anyos pataas. .
 
Kahinumduman isip pahalipay ni Mayor Rolando ‘Klarex’ Uy, ang matag senior citizen nga magpabakuna hatagan og 3 ka kilo nga bugas ug multivitamins sa bisan asa nga LGU-CDO managed vaccination sites.
Apan gihingusgan ni Mayor Uy nga ang proteksyon nga mahatag sa bakuna sa usa ka tawo ang mas labing bug-at nga angay hinumduman sa katawhan. (AGP/Infographic by RJ Abaday/CHIO)