Tuesday, 27 September 2022 08:49

Unclaimed social pension payout gitakda sa Sept 28 ug 29 sa Brgy 40 covered court

Written by
IPAHIGAYON karong Septiyembre 28 ug 29 ang 3rd Quarter DSWD Unclaimed Social Pension Payout alang sa 971 ka mga beneficiaries kinsa wala nakakuha sa ilang pension atol sa payout sayo ning bulan.
Sulod sa duha ka adlaw diha sa Brgy. 40 covered court, mahimong mag-claim ang mga benepisyaryo sa ilang pension sugod alas 9:00 sa buntag hangtod alas 3:00 sa hapon.
 
Giaghat ang mga benepisyaryo sa unclaimed 3rd quarter social pension sa distrito uno nga moadto sa payout sa Septiyembre 28, adlaw’ng Miyerkules, samtang ang mga benepisyaryo sa ikaduhang distrito gipanawagan nga mokuha sa pension sa Septiyembre 29, adlaw’ng Huwebes.
 
Gipahinumduman ang mga benepisyaryo nga dalhon ang mga dokumento sama sa original ug photocopy sa OSCA ID sa senior citizen nga mokuha sa pension, samtang OSCA ID sa senior citizen, authorization letter, ID sa representative ug medical certificate sa benepisyaryo alang sa mga authorized representative nga mag-claim.
 
Alang sa dugang impormasyon ug mga pangutana, bisita lang sa Senior Citizen Affairs – Cagayan de Oro City Facebook Page o’ mag-mensahe sa mga numbero: 09977909110 / 09069044808. (SPPalen/CIO)