Subling gisusi sa Hapsay Sapa Team ang mga drainage ug creeks sa pipila ka dapit sa Barangay Puntod atol sa gipahigayon nga ‘Klarex nga Serbisyo sa Baryo’ program ni Mayor Rolando Klarex’ Uy, Huwebes, Sept. 29.

 

Ang maong lakang maoy usa sa mga serbisyo nga gipaabot sa administrasyon ni Mayor Klarex aron mapangitaan og sulbad ang pagbaha sa pipila ka lugar sa Brgy. Puntod nga maoy usa sa mga problema kung mag-ulan.

 

 

Ang pagpadayon sa programa sa Hapsay Sapa ang gikalipay sa barangay council sa Barangay Puntod pinangulohan ni Punong Barangay Rexie A. Tinampay tungod kay magpadayon man usab ang pag-monitor sa mga drainage ug creek sa ilang barangay pinaagi ni Mr. Patrick Gabutina.

 

Ang Hapsay Sapa project gimugna sa kanhi administrasyon kansang tahas mao ang pag-rehabilitate sa mga creek ning syudad pinaagi sa pagpahigayon og regular clean-up drive, ug declogging aron dili mabara sa mga basura. (ALR/CIO/Photos from Hapsay Sapa Team)