Mapasalamaton kang Mayor Rolando Klarex’ Uy ang 183 ka molupyo sa Barangay Puntod human sila nakapahimulos sa serbisyo sa City Housing & Urban Development Department (CHUDD) atol sa ‘Klarex nga Serbisyo sa Baryo’ program bag-ohay lang.

 

Kini nga mga serbisyo naglangkob sa pagpang-aplay sa programang pabahay, hisgutanang legal mahitungod sa relocation sites; imbentaryo sa housing recipients, ingon man pagproseso ug pag-apply sa pagpatitulo sa yuta nga gi-award sa syudad.

 

 

Nasayran nga sa 183 ka kliyente, 178 niini ang nagpatabang kalabot sa proseso sa pag-apply sa housing program, 2 ang nangutana mahitungod sa mga programa sa CHUDD nga mahimo nilang ma-avail samtang 3 ang nag-follow up sa status sa ilang application.

 

Usa ang Brgy. Puntod nga daghan og ihap sa mga informal settler families (ISFs) ilabina ang naigo sa flood control project sa Department of Public Works & Highways (DPWH).

 

Sa ikalimang higayon nga pagpahigayon sa `Klarex nga Serbisyo sa Baryo’ program, kini ang pinakadaghan nga naalagaran sa CHUDD nga gikalipay usab sa mga personahi sa maong buhatan kay nahinabi ug natubag nila ang mga concerns ug pangutana sa katawhan sa Brgy. Puntod nga gusto makapahimulos sa housing program sa syudad. (ALR/CIO/Photos by Rod Constantino)