GILUSAD sa Oro Youth Development Office ang "Search for Most Child-Friendly Police Station Year 7" atol sa pagpakayab sa nasudnong bandila, Oktubre 24, diha sa city hall quadrangle, ning siyudad.

 

 

Nangulo sa launching sila si Sangguniang Kabataan (SK) Federation President John Michael Seno, City Councilor Atty. Edgar Cabanlas, City Councilor Yvy Emano, City Councilor Atty. Joey Abbu, City Councilor Romeo Calizo, City Council for the Protection of Children Vice Chairperson Jonah A. Domingo ug Oro Youth Development Officer James Patrick 'JP' Santos, lakip mga kapolisan ning dakbayan. .

 

Atol sa launching, mihatag sa iyang mensahe si Seno kinsa nagpaabot sa suporta sa Sangguniang Kabataan ngadto sa mga kapulisan alang sa pagprotehir sa mga kabataan.

 

"Atong mahisgotan sa Sangguniang Kabataan nga mapakunhod nato ang kaso sa mga gang wars dinhi sa Cagayan de Oro pinaagi sa pagtabang sa atong kapulisan. We are very supportive of that, and hopefully, we can come up with better solutions sa atong mga gangs nga nag-involve sa mga bata,” saysay sa SK Federation President.

 

Ang search magbasi sa on-site evaluation (60 points); community-based validation (20 points) ug school-based validation (20 points).

 

Tipik usab sa mga aspeto nga susihon ang child-friendly space, women and children's desk officer, confidentiality ug safekeeping sa mga dokumento, ug kaso nga naglambigit sa mga minor de edad, pagmonitor ug pagproseso niini, ug ang precautionary measures kon kini biktima man, akusado ug uban pa.

 

Kini na ang ikapito ka tuig sa maong flagship project ubos sa Oro Youth Development Office. (NLB/CIO/photos by Roel Felicitas/CIO)