Thursday, 03 November 2022 00:38

‘WORLD MENTAL HEALTH DAY’ GISAULOG

Written by
Nagtigom ang mga miyembro sa Barangay Council for the Protection of Children, mga punong barangay, Violence against Women and Children Desk Officers, SK officials, mga nurse gikan sa Department of Education, college students ug professors sa Xavier University-Ateneo de Cagayan, University of Science and Technology of Southern Philippines, Liceo de Cagayan University aron pagsaulog sa ‘World Mental Health Day’, Oktubre 28, diha sa barangay Macasandig covered court ning siyudad.
 
Atol sa kalihokan, gihisgutan ang topikong "Promoting mental hygiene through help-seeking during mental health crisis," diin nahimong resource speakers ang mga matutudlo sa Xavier University-Ateneo de Cagayan nga sila si Gail Conway, PhD ug Voltaire Marquez, MA, PhD Cand.
 
Migahin usab sa ilang tagsa-tagsa ka istorya sa paglaum ang Psychology major students nga sila si Bea Ramoso sa Xavier University-Ateneo de Cagayan ug Roselyn Raine Krystal Elorde sa Liceo de Cagayan University.
Samtang, mihatag sa iyang mensahe si City Psychologist Jaymee Leonen-Pagaspag diin iyang gisaysay ang tumong sa maong kalihokan ug mipasalamat sa suporta sa nadawat niini sa maong adbokasiya.
 
No photo description available.
 
"Ang amo lang gyud diri is gusto lang gyud namo unta nga mapadayon nga mahimo mong kauban sa atong advocacy in promoting and advocating mental health and well-being and this can be done in our own homes, in our barangays, our schools , so thank you for believing in our cause and may we continue to work hard to really make this services accessible, " saysay ni Pagaspas.
 
Mipadayag usab sa ilang hugot nga suporta agi'g pagtambong sa kalihokan sila si CSWD Executive Overseer Pastor Dimver Andales ug Committee on Social Services Chairperson City Councilor Girlie Balaba ug CSWD Assistant Department Head Nida Paña.
 
Ang maong kalihokan gipasiugdahan sa CSWD Psychosocial Division. Natapos ang kalihokan pinaagi sa pagpasidungog sa mga barangay ubos sa Search for the Best Mental Health Advocacy booth diin champion ang barangay Tablon, 2nd place ang barangay Kauswagan ug 3rd place and barangay Balulang. (Words and photos by Nica Borja/CIO).