Friday, 04 November 2022 07:12

DAPC TABO SA MGA CBDRP GIBUKSAN

Written by
Dungan sa paglusad sa kasaulogan sa Drug Abuse Drug Prevention & Control (DAPC) 2022, gibuksan usab ang DAPC Tabo sa Community-Based Drug Rehabilitation Program (CBDRP) sa nagkadaiyang barangay nga nahimutang sa city hall mini-park Biyernes, Nobyembre 4, 2022.
 
Si City Councilor Romeo Calizo, co-chairman sa City Anti-Drug Abuse Council (CADAC), mao ang nangulo pag-abri sa DAPC Tabo human sa gipahigayon nga motorkada.
 
May be an image of 2 people and food
Sa iyang mensahi, gipasalamatan ni Kag. Calizo ang mga punong barangay, barangay kagawad, CBDRP managers, ug service providers nga misalmot sa motorkada ug sa Tabo.
 
Lakip sa iyang gipasalamatan ang USAID RenewHealth nga kanunay nagsuporta sa mga programa sa CADAC, Philippine Drug Enforcement Agency (PDEA-10), City Health Office (CHO), Oro Citizen’s Wellness and Development Center (OCWDC), City Social Welfare and Development (CSWD) office, ug ang Office for Community Affairs (OCA).
 
Gipasabot ni OCWDC Officer-in-Charge Cherryl N. Dela Cruz nga nagkadaiyang kalihokan ang nakahan-ay alang sa month-long nga kasaulogan sa DAPC nga pagasalmutan sa mga drug responders gikan sa nagkadaiyang barangay nga nagdala sa tema: Addressing Drug Challenges in Health and Humanitarian Crisis “Padayon sa Kabag-ohan, Ngadto sa Malambuon nga Kaugmaon”.
 
Alayon niini, gidasig ni Dela Cruz ang mga empleyado sa city hall nga suportahan ang DAPC Tabo aron matabangan ang livelihood sa mga drug responders ubos sa AfterCare Program. (ALR/CIO/Photos by Rod Constantino/CIO)