APROBADO na sa konseho ning syudad ang P7.8 billion 2023 annual budget sa Cagayan de Oro ubos sa administrasyon ni Mayor Rolando “Klarex” Uy bag-ohay lang.
Matud ni Majority Floor Leader Ian Mark Nacaya sa 20th City Council, bisan pa man sa nasinating ekonomikanhong krisis sa syudad, apan malaumon gihapon si Mayor Klarex uban sa executive ug legislative department nga makab-ot ang maong budget aron mahatud ang mga serbisyo nga gikinahanglan sa katawhan.
Tungod niini, dako usab ang suporta nga gipakita sa konseho ning syudad sa mga programa sa kasamtangang administrasyon pinaagi sa pag-aprobar sa maong budget human gitun-an ug gituki sa ‘committee of the whole’ sa pagpangulo ni Konsehal Yan Lam Lim isip chairman sa komitiba sa finance and appropriation. (ACM/Photos by ROD CONSTANTINO/CIO)