MOKABAT SA 22.8% o 31 sa 136 ka indibidwal nga nataptan sa COVID-19 sa Cagayan de Oro sukad Oktubre 31 hangtod Nobyemre 6 ang wala mabakunahi batok sa virus kon ‘unvaccinated’, sigon ni City Health Officer Dr. Rachel Daba-Dilla atol sa weekly COVID-19 briefing, Nobyembre 7 ning tuig.

 

Dugang pa ni Dr. Dilla nga sagad sa mga natala nga COVID-19 deaths naggikan sa mga ‘unvaccinated population’.

 

Busa padayon ang panawagan sa opisyal ngadto sa singko anyos pataas nga kompletuhon gayud ang primary vaccines o first ug second doses, ug first booster shots usab sa tanang 12 anyos pataas aron mapakusgan ang resistansya sa lawas nga makasukol sa sakit nga COVID.

 

Gisaysay usab ni Dr. Dilla nga adunay pagsaka sa ‘average daily attack rate’ gikan sa 5-7 nga kaso matag adlaw sa milabay’ng bulan, ug karon anaa na sa 15-17 ka kaso sukad Oktubre 16 hangtod Nobyembre 5 ning tuig. (AGP/Photo by Rod Constantino/CIO)