Alayon sa usa ka bulan nga kasaulogan sa Drug Abuse Prevention and Control (DAPC) month, nagkadaiyang kalihokan ang gipahigayon ug ipahigayon sa Oro Citizen’s Wellness and Development Center (OCWDC) sa City Social Welfare and Development (CSWD).

 

Usa sa mga kalihokan mao ang DAPC Corner Barangay Gallery diin makita ang nagkalain-laing Christmas decorations ug Social Behavior Communication Change (SBCC) materials sa mga Community-Based Drug Rehabilitation Program (CBDRP).

 

 

Matud ni OCWDC Officer-in-Charge Cherryl N. Dela Cruz nga mga barangay nga adunay aktibong CBDRP ang nakasalmot sa maong indigay ug usa lang ang entry matag barangay.

 

Nasayran nga gikan sa indigenous o kaha recycled materials ang ilang gamiton paghimo sa Christmas decoration, ug dili usab molapas sa P3 mil ang gasto paghimo sa ilang booth.

 

Cash prize nga P10 mil ang premyo sa first prize, P8 mil ang 2nd prize, ug P5 mil usab ang 3rd prize, samtang makadawat og P2 mil isip consolacion prize ang mga non-winners. (ALR/CIO/Infographics from OCWDC))