Thursday, 17 November 2022 04:56

CLENRO GIPASIDUNGGAN SA DENR HUMAN NAKAHIMO’G WASTE WISE CITY SCHOOL

Written by
GIPASIDUNGGAN sa buhatan sa Department of Environment and Natural Resources (DENR) ang Cagayan de Oro pinaagi sa City Local Environment and Natural Resources Office (CLENRO) isip labing una nga syudad sa tibuok kalibutan nga nakahimo og “waste wise city school” initiative alang sa pagkab-ot sa ‘Zero Waste to Philippine Waters by 2040’.
 
Ang waste wise city school usa ka waste assessment tool nga gipaningkamotan sa CLENRO ubos sa pagdumala sa ilang Department Manager nga si Engr. Armen Cuenca, ingon man Assistant Department Manager Elvisa Mabelin.
 
Ang pasidungog gipadayag mismo ni DENR 10 Regional Director Reynaldo Digamo atol sa gipahigayong two-day workshop alang sa Waste Diversion Data Management for Local Extended Producer Responsibility (EPR) Readiness sa unom ka napiling pilot cities sa UN Habitat pinaagi sa Healthy Oceans and Clean Cities Initiative (HOCCI) nga gipundohan sa Government of Japan.
 
Ang unom ka pilot cities naglangkob sa Cagayan de Oro, Calacapan, Davao, Legazpi, Manila ug Ormoc.
 
Nasayran nga ikatulo ang Pilipinas sa tibuok kalibutan nga adunay pinakadaghan nga plastic waste nga makaplagan sa kadagatan. (ACM/Photos by ROEL FELICITAS/CIO)