MUABOT sa 609 ka indibidwal nga naglangkob sa 294 ka Philhealth members ug 315 ka mga ‘dependents’ ang malampusong narehistro sa gipahigayong Philhealth Konsultasyong Sulit at Tama (KonSulTa) ‘on-site mass registration, updating & profiling’ sa barangay Carmen health center, Nobyembre 17 ning tuig.

 

Ang maong kalihukan hiniusang gipasiugdahan sa Philippine Health Insurance Corporation Region X, City Health Insurance Office, City Health Office uban sa hugot nga suporta ni Barangay Carmen Kapitana Lorna V. Uy.

 

 

Lakip sa mga serbisyong gitanyag ang ‘portal query & e-konsulta registration’, ‘health assessment’, ‘medical consultation’, paghatag og Philhealth ug MDR (member data record) ug pagpanghatag og tambal.

Ipahigayon ang susamang aktibidad sunod semana sa Lapasan health center, Nobyembre 24 ning tuig.

 

Gawas sa Philhealth, mihatag usab sa ilang serbisyo ang buhatan sa City Civil Registry ug Philippine Statistics Office Region 10.

 

Mapasalamaton usab si Kapitana Uy sa mga serbisyo nga napahimuslan sa katawhan sa barangay Carmen nga gitanyag sa nasangpit nga mga ahensya. (AGP/Photos by Aralicia Mae Bolisig/CIO)